pel er

Horraaay, gue udeh bertaon-taon jadi jomblo! Artinye, gue udeh lama kagak begitu-begitu ame cowo yang disayang. Begitu-begitu pegimane? Ya gitu deh, ah kayak kagak tau aje #EAAAA

Yang paling gue kangenin dari sebuah hubungan bersama cowo tersayang adalah PEL-ER-nye. UPS! KOK JOROK BANGET SIH, MPOK?

Bodo amat, Ramadhan kan udeh liwat, jadi boleh dong nulis yang jorok-jorok lagi? HAHAHAHAHAHA :))

Kagak deh, sebenernye ini  kagak jorok. Yang gue maksud dari PEL-ER adalah....

PELUKAN ERAT

Saat lagi berdua ame yang disayang, pasti akan ada sebuah momen dimane gue minta dipeluk lamaaaaaa banget...

Why? Karena gue ngerasa selalu ade kenyamanan di balik sebuah pelukan. Tapi kagak tau deh dari pihak cowonye, kayanye sih merempet ke napsu yeh #EAAA

Dan dilansir dari artikel TEMPO ini, pelukan ternyate bisa bikin kite merasa aman, tenang, bahagia, menjauhkan perasaan kesepian, meningkatkan keterikatan emosi-spiritual dengan pasangan, meningkatkan PD, bikin relaks, menyeimbangkan pikiran, mengajarkan memberi dan menerima, melepaskan segala beban masalah, meningkatkan empati dan membuka jalur komunikasi.

BANYAK BANGET COY MANFAATNYE!!!

Untuk manfaat yang terakhir, ntu bener banget. Kalo misalnye si cowo marah kagak jelas, udeh aje langsung peluk, pasti marahnye udehan... HAHAHAHA.

Begitu juge sebaliknye, kalo guenye nyebelin banget gegara PMS dan si cowo langsung meluk gue, yaaaa guenye jadi rada ademan.

Jadi, yang bikin adem hati ntu sebenernye bukan hanya sekadar es teh manis di siang-siang bolong, melainkan adalah PEL-ER alias PELUKAN ERAT.

Dan gue sangat teramat merindukan momen ini...

Tapi, tentu, bukan dengan masa lalu-masa lalu gue ntu...

Gue ingin melakukan momen ini bareng orang baru yang udeh mewarnai hidup gue selama tiga kali puasa tiga kali lebaran. Cuman... kayaknye tuh orang... ah sudahlah :')

Cepet atau lambat, pasti gue akan mendapatkan si PEL-ER ntu.

Positive thinking aje deh..

Ler... Ler... gue kangen ame lo, Ler...

LOL :))